DIM 2025

2025eko DIMak museoen etengabeko eraldaketa ikusarazten du, testuinguruaren aldaketa anitzen aurrean. Kulturak eta ezagutzak askotariko egoera eta errealitateetara egokitzeko balio diete komunitateei, eta oraina eta etorkizuna elkarrekin eraikitzeko baliabideak dira.

DIM 2025en irudiak dinamismoa, jariakortasuna eta baikortasuna islatzen ditu, museoen ezaugarri diren bilakaera eta erresilientzia sinbolizatuz, bai eta museoek kide diren komunitateekin duten harreman organikoa ere.

Erronkari aurre egiteko, DIM 2025ek honako GJH hauek babesten ditu:

• GJH 8: Museoek tokiko ekonomiak babesten dituzte, enplegu-aukerak sortuz eta komunitateak ahalduntzen dituzten hezkuntza-programak eskainiz.
• GJH 9: Sormena sustatzean eta aurrerapen teknologikoak hartzean, museoek berrikuntza bultzatzen dute eta irisgarritasuna hobetzen dute.
• GJH 11: Museoek hiri-garapen iraunkorrari laguntzen diote, eta inklusioa, erresilientzia eta ondarearen zaintza sustatzen duten kultura-zentro gisa jarduten dute.