Zer da MNE?

Museoek kultura trukatzeko eta aberasteko duten zereginaz eta herrien arteko elkar ulertzeko, elkarlanerako eta bakerako tresnaz kontzientziatzea da DIMren helburua. Ospakizun hau Museoen Nazioarteko Kontseiluak (ICOM) sortu zuen 1977an.
 
Egun hori ospatzeko 2022an aukeratu den leloa honako hau da: "Museoen boterea Nafarroan". Museoek inguratzen gaituen mundua eraldatzeko ahalmena dute. Aurkikuntzarako leku gisa, gure iragana erakusten digute eta gure buruak ideia berrietara irekitzen dituzte. Museoek beren komunitateetan aldaketa positiboa eragiteko duten ahalmena hiru ardatzen inguruan egituratzen da:

• Museoek jasangarritasunean duten boterea, Nazio Batuen Garapen Jasangarrirako Helburuak (GJH) ezartzeko eragile estrategiko gisa.
• Digitalizazioan eta irisgarritasunean berrikuntzak duen boterea, museoak eskuragarriagoak eta erakargarriagoak izatea eragin dezakeena, publikoari kontzeptu konplexu eta ñabarrak ulertzen lagunduz.
• Hezkuntzaren bidez komunitatea eraikitzeko boterea, balio demokratikoak defendatuz eta pertsona guztiei etengabeko ikaskuntzarako aukerak eskainiz, gizarte zibil informatu eta konprometitua eratzen lagunduz.

Maiatzaren 18an, Museoen Nazioarteko Eguna dela eta, Foru Komunitateko Erregistroan aitortutako Museo eta Bilduma Museografiko Iraunkor guztietan sarrera doakoa izanen da.